網紅的藏寶箱燒肉放題平日成人$298，包晒刺身、牛豬雞、海鮮、蔬菜、和食、罐裝飲品。餐廳好老實，就咁睇餐牌啲相，啲用黎燒嘅牛豬雞都麻麻地。有個option係加$38，升級任食澳洲M5和牛、鹿兒島豚五花肉&豚西冷。佢冇寫隻澳牛係咩位，睇落似板腱肉。加$38嗰幾款肉正常，乎合收費。唔加錢嘅肉試左幾款，全部唔掂；所以一定要加$38，唔加就唔好去呢間。
刺身有三文魚、鯛魚、油甘魚、八爪魚、希靈魚、甜蝦、帶子、北寄貝、馬刀貝，選擇多過唔少5星酒店自助餐。我地頭輪坐低，劃左兩次油甘魚都黎錯鯛魚；一問之下，原來刺身大佬未返工，刺身細佬唔識分油甘同鯛魚！好在侍應好禮貌又有效率，立即跟進幫我地換返。刺身水平係ok嘅，啲刺身帶子（帆立貝）攞去燒都得，好甜！
銅鑼灣呢個價位，咁嘅食物質素我收貨，反而啲調味料真係可以好少少！隻燒肉汁我全晚蘸過一次就冇再掂過。餐桌鹽同黑椒都係麻麻，最後全靠有支七味粉！
個爐唔係幾夠火力，燒肉冇咁香。抽氣同清潔唔得，檯面、座椅同地下都幾油淋淋；食完全身一陣味。但環境闊落，檯勁大張，服務幾好，上菜快冇漏單（記住我係平日頭輪）。最後有一盒Haagen-Dazs，7點前走人有88折。整體黎講我食得開心。
———————————————-
熊本燒肉
地址：銅鑼灣謝斐道477-481號3樓
電話：26173328
Search